كل مره بكتب فيها هنا بكتب لنفسي عشان نفسي بس, المره دي بكتبلك انت وعارفه انه الكلام هيوصلك ,هيوصلك قبل ماكتبه هيوصلك وهو لسه جو قلبي وقبل ماينطقه لساني ولا يترجمه عقلي لان انت اكتر واحد بتحس بيا ....رغم الجفا اللي بتلاقيه مني والبعد عنك والانشغال بغيرك الا انك لسه بتحبني ودايما بتكون سندي ودايما بتحميني وبتغير عليا وبلاقيك جنبي لما احتاجلك ..لا انت على طول جنبي وانا عمري ماستغنيت عنك .
بس انا بغلط في حقك كتيييييييييير خالص وانت بتسامحني .... انا كان ممكن اقابلك واحكيلك عالي جوايا بيني وبينك بس حبيت اكتبها هنا صراحه ,دورت على سبب اني اكتب هنا ملقيتش سبب واضح غير اني انا حبيت اني المكان ده يشهد على مدى حبي ليك رغم تقصيري في حقك ..عارفه والله ان المحبه اسرار واني اللي بيني وبينك محدش يعرفه بس سامحني المره دي هبوح بجزء من السر ده ... عايزه الناس كلها تعرف ان انا بحبك ,والله بحبك انت وماليش غيرك,, كل اللي بطلبه منك انك تسامحني وتاخد بايدي عشان اوصلك وتطهر قلبي من اي نفاق او حقد او غل , وتكفر ذنوبي ..
(اعوذ بنور وجهك الذي اشرقت له الظلمات وصلح عليه امر الدنيا والاخره ان ينزل بيا غضبك او يحل عليا سخطك لك العتبه تى ترضى ولا حول ولا قوة الابك ) احبك ربي ..احبك يالله
